Иди саиди Фитр муборак!

18 08 2012


Иди Рамазон имруз бар мову шумо табрик,
Ин сабру шикебои, в-ин аҳду вафо табрик.
З-Аллоҳ мадад чуем дар роҳи муроди хеш,
Буе ба машом омад, аз боди сабо табрик.


Инак моҳи Рамазон низ ба охир расид. Ёд дорам дар хурдсолй ин бегоҳи охирони Рамазонро аз ҳама рузҳо дусттар медоштам. Ин бегоҳ, ки номи «Ошбараку ошбиёрон» дошт дигар дар хотир надорам, ки кай охирон бор ошашро чашида будам. Вале лаззати он ошҳои рангу ба ранг гуё то ҳануз дар машомам ҳаст. Ошҳои рангу баранг, сафеду зарду сурх, нахуддору бенахуд, сергушту камгушту тухмдор…
Пагохиаш, дар субҳи солеҳон ҳама пиру чавон шитобон суи масчид ба намози Ид. Масчидхо то чое лабрези намозгузорон мешуданд, ки берун аз саҳни он низ саф меоростанд.
Баъд аз намоз ҳама дастархони идона боз карда тамоми нушу неъматашонро руи он мегузоранд. Бинобар ин мардум як-ду руз пеш аз Ид ба бозорҳо харид мераванд.
Имруз ба Точикистон занг зада аз нарху навои бозор пурсон шудам. Рости гап то ҳануз ба худ наомадаам ва ба суолҳои худ посух наёфтаам. Худ казоват намоед:


1 кг ангур
— то моҳи Рамазон 4-6 сомонй.
— дар моҳи Рамазон 8-10 сомонй.
— дар бегоҳи Ид 12-13 сомонй.
1кг шафтолу
— то моҳи Рамазон 6-8 сомонй.
— дар моҳи Рамазон 9-12 сомонй.
— дар бегоҳи Ид 16-18 сомонй.
1 дона харбуза
— то моҳи Рамазон 8-12 сомонй.
— дар моҳи Рамазон 15-20 сомонй.
— дар бегоҳи Ид 25-30 сомонй.

Хулоса нархи тамоми хурока ҳамин хел якчанд маротиба афзуда аст.

Эй савдогарону точирон аз Худо шарм доред! Оё мусулмонй ҳамин аст? Пагоҳ чи тавр шарм надошта руй суи кибла намоз мехонед? Боварй доред, ки он фоидаи саду дусад фоиза аз ин киматфуруши ба мардуми ночор ҳалол аст? Боварй доред, ки фарзандонатро лукмаи ҳалол медиҳед? Боварй доред, ки аз он фоида сарватманд мешавед? Боварй доред, ки он пулу мол баракат дорад?
Магар Ислом аз мусулмонон ҳаминро мехоҳад? Оилаҳое, ки ноноваре муҳочир доранд ба хайр. Аммо онҳое, ки руй ба маоши кишвар доранд чй сахтй мекашанд?
Рости гап акли кас ҳайрон мемонад, ки чй хел дар моҳи хайру баракат ва шикастани нафс фурушандаю точирон ба чунин амал даст мезананд. Хайфи шумо барин мусулмонҳо. Иди шуморо табрик намегуям. Пагоҳ ба намози Ид ҳам наравед. Аз он пулҳо мабодо ба сандуки хайрияи масчид напартоед, ки метарсам садакаи ҳалоли дигаронро догдор нанамоед.
Имрузҳо ҳама мусулмонон афсус мехуранд, ки моҳи беҳтарини тоату ибодат — Рамазон ба охир расид. Баъзе парҳезгорон дар фироки Рамазон ашк мерезанд.
Шумо — савдогарону фурушандаҳо низ гамгинед, ки Рамазон рафт, ҳарчанд сабаби гамгиниатон лукмаи ҳароматон бошад ҳам. Ашк бирезед, ки моҳи беинсофию киматфурушиатон — Рамазон рафт. Зор бигирйед, то шояд Парвардигор ба сабаби гиряатон дар фироки Рамазон шуморо ба роҳи рост ҳидоят намояд.

Иди Рамазон омаду моҳи Рамазон рафт,
Сад шукр,ки ин омаду сад ҳайф,ки он рафт.

Ана ҳамин хел, хонандаҳои азизи ин сатрҳо. Хостам «Табрикнома»-е бинависам, нашуд… Маъзарат, агар руҳияи идонаи шуморо гамгин намуда бошам.


ИДИ САИДИ ФИТР БА ХАМА ТОЧИКИСТОНИЁН МУБОРАК БОД !!!!

Реклама




Дар фироки падар

13 08 2012

Субҳу шом дар ёдатам, чонон падар
Умру чон курбонатам, чонон падар
Аз фирокат ашк рехтам бехисоб
Ташнаи руят манам, чонон падар
Умри талху бекасу бепуштибон
Зарба бар чону танам, чонон падар
Бар пули дунё ҳазор лаънат бод
Ки дигар токат надорам чон падар.
Китфу бозуям ҳама логар шуда,
Сухтаю афгор дилам, чонон падар.
Магзи сар пусида гашт, девонаам,
Раҳсипор суят манам чонон падар.
Сорбоно, тез рон корвони хеш,
Сухта хокам бод шавад, чонон падар.
Ай шамол, хокистари Илҳом бибар,
Суи бому ҳавлии, чонон падар.

(Урай, с 2000)





Защищено: «ОУШТЕН ФРУШТЕН» (бознашр)

11 08 2012

Это содержимое защищено паролем. Для его просмотра введите, пожалуйста, пароль:





Точиконро боз таҳқир карданд

9 08 2012

Одат кардаам, ки таҳти савти мусиқй ба кор машгул шавам. Аз мусиқиҳои хотираи телефон, ки такрор ба такрор садо медоданд, ниҳоят дилбазан шудам. Ва радиоро ба кор андохтам. Тасодуфан ба шабакаи Маяк пайваст шудам. Дар он барномаи «Программа П» мерафт. Мавзуи баҳс дар чойҳои чамъиятй пушидан, ё напушидани «шорт» буд. Гайриинтизор дар баҳс аз барандахои барнома бо тамасхур, тахминан чунин суханҳо садо дод: «..маро бо шорт роҳ надоданд, аммо ончо бо либосҳои корй точикони ифлосу бадбуй гашту гузор мекарданд..»

Хамагй барои ним соат радиоро ба кор андохтаму чунин суханҳо шунидам. Аз ин мебарояд хама рузхо ҳазорҳо маротиба дар ҳазорҳо шабакаҳои хурду калон чунин пастзании обруи точикон садо медиҳад? Ё тавба, ин мардум аз точикон чй мехоҳанд? Чаро ин қадар мисли саг ба точик аккос мезананд? Чаро факат точик? Аз кучо ин қадар бадбинй? Аз кучо ин қадар нафрат?

Фавран, чор паёмак ба радио фиристодам. Пурсидам, ки бо кадом далел онҳо точик буданд, ифлосу бадбуй буданд? Чун бо онҳо наздик ҳам нашуда буд ва суҳбат ҳам накарда буд-ку. Наход дар чеҳраи ҳар мардикоре танҳо точикро бубинанд? Охир аз Точикистон 1 млн муҳочир бошад, аз Узбакистон 3 млн муҳочир аст.
То бегоҳ мунтазир шудам, вале паёмакҳои ҳамаро хонданду аз они манро не. Дар поён илова намудам, ки эй хукҳои бадбуй, точикон миллати озодаанд, рузе панч маротиб шустушуй мекунанд ва ҳатто либоси кории худро аз начосату ифлосй дур нигаҳ медоранд.
Вале ин ҳарф ба кй мегуи.. Ин маъракаи зиддиточик кай ба охир мерасида бошад?

Точикбачае дар Кримск, ҳаёти 6 нафар урусро начот дод. Аммо аз у на ном бурда шуд, на нишон.
Ба ёдам як ривоят расид. Дар яке аз хиёбонҳои Маскав саге ба як кудак дармеафтад. Точикбачае сагро чунон мезанад, ки он мемурад ва кудакро начот медихад. Зуд полисҳо ва журналистони урус ба чои воқеа ҳозир мешаванд. Худи ҳамон руз дар рузномаю радио паҳн мешавад, ки пулисҳои Маскав кудакеро аз саги девона начот доданд. Точикбача ба идораҳои нашрияхо занг зада даъво мекунад, ки охир кудакро на пулисҳо, балки у начот додааст. Пагохаш радиою рузномаҳо хабар паҳн мекунанд, ки як гастарбайтери бераҳму чинояткори точик як саги бечораро ваҳшиёна ба қатл расонид..
Ана ҳамин хел, дустон.

Аз қавми урус ҳаргиз надидем вафо,
Дар мулки урус ҳаргиз надидем сафо.