Зулмоти поёни шаби сияҳ (кисми 4)

28 10 2012

Дар тули 4 соати парвози ҳавопаймои Маскав-Душанбе, Аслиддин якчанд ҳамдеҳаҳояшро вохурд. Хануз дар холли интизорй ҳамдеҳааш аз маҳаллаи туркон Уктами «чап»-ро дид. Барои чапдаст буданаш ба у чунин лақаб гузошта буданд. Миёни ҳамсолону дустонаш як раванди лақабгузорй рушд карда буд ва Аслиддинро баъзан «Аслии туруш» низ мегуфтанд. Баъдтар ҳамдеҳааш Сиёвушро вохурд. У ҳамроҳи ҳамон духтари дустдоштааш буд. Дар багали духтар кудак буд. Аслиддин пайбурд, ки онҳо хонадор шудаанд. Ба ёдаш омад, ки аз сабаби Сиёвуш точик буданаш оилаи туркҳо ба у духтарашонро надода буданд, ҳарчанд ҳама медонист, ки ҳарду ҳамдигарро дуст медоранд. Аммо Сиёвуш ба такдир тан надод. Духтарро гурезонда ҳамроҳаш ба Маскав бурд. Ана акнун пас аз ду сол бо кудак бармегарданд. Суҳбати Сиёвушу Аслиддин дар холли интизорй кутоҳ буд. Сиёвуш дар поён таъкид намуд, то Аслиддин албатта ба тую маъракае, ки дар деҳа баргузор хоҳанд кард, ташриф орад. Оваҳ, танҳо ҳангоми ба ҳавопаймо нишастан Аслиддин дусташ Некрузро дид. Кушиш кард ба у наздик шавад то ҳамроҳ нишинанд. Некруз баробари ба нишастгоҳ нишастанаш чашмаш Аслиддинро дид, ки аз байни издиҳоми роҳрави ҳавопаймо ба у дастбардошта ишорат мекард. Некруз нишастгоҳи паҳлуяшро барои Аслиддин банд кард. Аслиддин ниҳоят ба назди у расид ва ҳарду дустон ҳамдигарро ба огуш кашиданд. Наздик ба шашсол буд, ки ҳамдигарро надида буданд. -Эх, Аслй, боварам намеояд ки ту бошй. Кучоҳо мегардй, туруш? — баробари нишастан гуфт Некруз. Аслиддинро дустони наздикаш ҳамин тавр кутоҳ «Аслй» ном мебурданд.
-Хайр, ҳаёт ҳамин хел шуда рафт, Некрузчон. Яке ба деҳа бармегардаду дигаре уро надида меравад, дигаре бармегардаду у меравад. — дастҳоро ба ду тараф кушода бо садои паст гуфт Аслиддин. Садояш шояд аз хастагии зиёд буд, ки паст баромад ва Некруз уро базур шунид. Аслиддин аслан бо садои на онқадар баланд ҳарф мезад. Садои паст ва камгапии у ҳамсуҳбатонашро водор мекард, ки бо диққати тамом ба у гуш диҳанд. Дустону ҳамсинфон дар машварату баҳсҳо ба суханҳои у диққати махсус медоданд. Ва бештар сухани у ҳамчун хулосавй садо дода баҳсу кашмакашҳоро поён мебахшид.
Соли гузашта дар шаҳри Красноярск як котеджи сеошёнаеро таъмир карда буд. Соҳиби хона ба ин хислатҳои оромй, камгапй, сухангуии боандешаи Аслиддин баҳои баланд дода гаштаю баргашта таъкид мекард, ки чои у дипломатияи точик аст. Ва афсус мехурд, ки чунин шахси дорои маълумоти олй ба корҳои сиёҳ машгул аст.

Реклама




Бохти Хадамоти Мухочирати Точикистон

6 10 2012

Раиси ФР В.В.Путин рузи 5-уми октябр бо раиси чумҳурии мо Э. Рахмон вохурда як катор созишномаҳоро ба фоидаи Русия имзо намуданд. Акнун пойгоҳи ҳарбии Русия то соли 2042 (!) дар Точикистон монданй аст. Ба болои ин ҳарбиёни русро, ки акнун соҳиби мақоми дахлнопазирй гаштанд, «гурбаашонро дигар пишт ҳам гуфта намешавад» ва бо иштиҳои том «бизнес»-и худро ба роҳ мемонанд.
Аммо оё нафаре дар фикри мақоми муҳочири точик нест.

Дар расонаҳои хабарй омадааст, ки муҳлати бакайдгирй аз 3-руз ба 15-руз ва давомнокии ичозатномаи кор то се сол дароз шуд. Оё С. Девонаев намедонист, ки муҳлати ҳузури беқайди муҳочирони точик, на се руз, балки хафт рузи корй буд?

«..Обращаем Ваше внимание на то что каждый иностранный гражданин прибывший РФ обязан встать на миграционный учёт по месту пребывания (регистрация) в течении семи рабочих дней…»
http://www.ufms-rf.ru/

Акнун дар бораи ичозаи кор. Шахсан ман ду мох пеш корафтода шуда ба ИФХМ (УФМС) барои боз се мох дароз намудани кайднома рафтам. Ба ман дар ончо гуфтанд, ки мо хак дорем бо як корти миграсионй, то се сол ичозаи кор бигирем ва хочат ба убури (пересечение границ) сархад нест.
Наход шахси масъул, рахбари хадамоти мухочират, С. Девонаев аз ин конунхои кайхо дар амал буда хабар надошт?
Чаро дар ивази макоми дахлнопазирии сарбози рус натавонист ба ноновари точик макоми дахлнопазирии 3 моха ба даст орад?
Ба хар як вохурихои президентхои Русияву Точикистон мухочирони точик ба умед менигаранд, аммо афсус ин бор низ ноумед шуданд…