Бурунойӣ аз ниқоб

31 08 2016

Рустам тули якчанд сол Руслан буд. Акнун дигарбора ба асли худ баргашта Рустам шуд. Ба ҳуҷрае, ки шаш сол пеш бо ҳамдеҳаҳояш мезист,баргашт. То дирӯз ӯ дар хонаи «ипотека» гирифтаи як бонуи рус буд. Ин занро мехӯронд, мепӯшонд, бонкпулиашро пардохт мекард, ҳатто ба волидайни ӯ кумаки молӣ мерасонд. Аммо соли гузашта корҳояш омад накард ва вазъи кисааш хароб буд. Рустам тули ин солҳое, ки бо ин бону ҳамзистӣ дошт, аз ҳаммиллатонаш худро канор мегирифт ва кӯшиш мекард ниқоби русӣ ба рӯй кашад, яъне торафт ҳамаи хислатҳои русонаро қабул намуда, дар худ ҷойгир мекард. Оҳиста оҳиста бо забони русӣ хеле моҳирона гап мезад. Кас аз гуфтораш бо забони русӣ дар тоҷик будани ӯ шубҳа мекард. Гарчанде борҳо аз модарарӯсаш дар мавриди осиëӣ буданаш таҳқир шунида бошад ҳам, худро ба карӣ зада эътибор намедод.Аммо ин навбат, вақте бо он бонуи рус ба сайругашт ба боғ баромаданд сухане шунид, ки зиндагии тули чандин солҳо сохтаашро барбод дод. Вақте дар пайроҳае мерафтанд, онҷо роҳрубе машғули кор буд. Рустам ҳавобаландона гуфт: Эх, чи хел тобу тоқати инҳоро надорам! Дар ҳамаҷо ҳастанд!Бонуи рус ба Рустам писханде дода, пурсид:- Ту ба онҳо нафрат дорӣ?Рустам: — Бале, онҳо ҳеҷгоҳ писандам набуданд ва нестанд.Бонуи рус:- Онҳо ифлос, гаранг, ëбоӣ ҳастанд, ҳамин тавр не?Рустам: -Сад дар сад. Хоҳиши ман бошад, якто намонда, ҳамаашро «депортатсия» мекардам.Бонуи рус: — Руслан, як чӣ гӯям наранҷ, охир ту худат ҳам мисли ҳаминҳо набудӣ? Гузаштаатро фаромӯш накун.Дар ин вақт Рустам аз роҳравӣ бозистод. Дар ҷояш шах шуда, сараш хам ба замин менигарист. Сипас сарашро бардошта сӯи он бону нигоҳ карда гуфт: — Ман на муҳоҷирони тоҷик, балки ин миллати турктаборро дар назардоштам. Он роҳруб тоҷик нест. Ту маро таҳқир накун.Бонуи рус бо писханд посух дод:- Эҳ Худо, чӣ байни худу ӯ фарқ мегузорӣ? Барои ман чӣ тоҷик, чӣ узбек ë қирғиз ҳама якранг аст.Пас аз ин Рустам ба гуфти худаш «лоқу пар»-ашро ғун дошту ба назди тоҷикон баргашт. Инҷо тоҷикон ба ӯ аз нав хушмуомилагӣ, баоқибатӣ, меҳрубонӣ дар умум хислати тоҷикона меомӯзонанду ӯ бар иваз ҷавонони тоҷикро аз муносибат бо духтарони ғайритоҷик боз медорад, то иштибоҳи ӯро такрор накунанд.

Реклама

Действия

Information

Добавить комментарий

Заполните поля или щелкните по значку, чтобы оставить свой комментарий:

Логотип WordPress.com

Для комментария используется ваша учётная запись WordPress.com. Выход / Изменить )

Фотография Twitter

Для комментария используется ваша учётная запись Twitter. Выход / Изменить )

Фотография Facebook

Для комментария используется ваша учётная запись Facebook. Выход / Изменить )

Google+ photo

Для комментария используется ваша учётная запись Google+. Выход / Изменить )

Connecting to %s




%d такие блоггеры, как: